[Firda] Dei tre eigedommane heilt inst i Finnafjorden i Vik er no lagt ut for sal til ei samla prisantydning på 10,6 millionar kroner.

Det er rett nok ikkje sjølve fjorden som er til sals, men det er langt til naboar og ikkje noko vegsamband til området.

– Det er definitivt det mest spesielle eg har fått på bordet, seier eigedomsfullmektig Baste Bolstad i Aktiv Eiendom til NRK Sogn og Fjordane.

Heile Finnabotn består av to einebustader, eit gardsbruk og eit gjestehus.

Aktiv Eiendom annonserte eigedommane i Finansavisen onsdag og i Bergens Tidende torsdag. På laurdag ventar ei annonse i Dagens næringsliv.

– Det har meldt seg interessentar som vil vere med på visning neste laurdag. Eg har ikkje vorte nedrent, men dei som melder seg er reelt interesserte og er ikkje folk som går på vanlege husvisningar, seier Bolstad til Firda nett.

Prisantydninga for gjestehuset med ni overnattingsrom og ein av einebustadene er sett til 5,5 millionar kroner.

For gardsbruket og eit naust er prisantydninga 3,5 millionar kroner, og for den andre av einebustadene er prisantydninga 1,6 millionar kroner.

Gardsbruket og gjestehuset har også hjorteløyve.

Les heile saka i Firda (ANB)